Mehnat muhofazasi bo‘yicha navbatdagi seminar

2025-11-28

Navoiy viloyati Kambag‘allikni qisqartirish va bandlik boshqarmasi  Davlat mehnat inspeksiyasi tomonidan “Navoiyazot” AJning polivinilxlorid, kaustik soda va metanol ishlab chiqarish majmuasi xodimlari uchun mehnat muhofazasiga bag‘ishlangan seminar tashkil etildi.

Tadbirda shaxsiy himoya vositalaridan foydalanish, texnologik jarayonlarda xavfsizlikni ta’minlash, ishlab chiqarish obyektlarida hayot va salomatlikni muhofaza qilish kabi masalalar muhokama qilindi. Xavfsizlik qoidalariga amal qilmaslikning oqibatlari haqida xodimlarga batafsil tushuntirildi.

Shuningdek, 2025-yil davomida korxona hududida sodir bo‘lgan baxtsiz hodisalar tahlil qilinib, ularning oldini olish bo‘yicha tavsiyalar berildi.