RASMIY MUNOSABAT

2025-05-16

Ijtimoiy tarmoqlarda "Ishga kirish uchun kimlargadir yirik miqdorda poralar berib, jinoyatga  qo'l urishim kerakmi?"  sarlavhali  xabar  tarqaldi.

Fuqaro B.Abdusamiyevning ushbu murojaati  Navoiy viloyati  Kambag'allikni qisqartirish va  bandlik boshqarmasi  tomonidan  nazoratga  olinganini ma'lum qilamiz.

Fuqaro B.Abdusamiyev  Kambag'allikni qisqartirish va bandlikka ko'maklashish Uchquduq tuman bo'limiga ish so'rab murojaat qilganida bo'lim xodimlari tomonidan fuqaroga mutaxassisligi bo'yicha bo'sh ish o'rni yo'qligi tushuntirilib, xususiy sektorlarda mutaxassislik talab etilmaydigan mavjud bo'sh ish o'rinlari taklif etilgan. Biroq fuqaro B.Abdusamiyev  taklif etilgan bo'sh ish o'rinlarini rad etgan.  Shundan so'ng Bandlik xodimlari tomonidan  B.Abdusamiyevga O'zbekiston Respublikasining 20.10.2020-yildagi O'RQ-642 sonli Qonunning 62-moddalariga asosan ish qidirayotgan  hamda ishsiz shaxslarni kasbga tayyorlash, qayta tayyorlash va ularni malakasini oshirish kurlarida o'qish taklifi berilgan. Fuqaro   B.Abdusamiyev aynan NKMK AJ ShKBga ishga kirishini bildirgan.  

 B.Abdusamiyevni  bandligini ta'minlash maqsadida  Uchquduq tuman  Kambag'llikni qisqartirish va  bandlikka ko'maklashish  bo'limi tomonidan NKMK AJ ShKBga 01733-hamda 01731-sonli xat va tegishli hujjatlar taqdim  etilgan bo'lib, fuqaroni ishga joylashtirish choralari ko'rilayotganligini bildiramiz.

Shuningdek,   B.Abdusamiyevga murojaati yuzasidan ko'rilayotgan ishlar natijalari bo'yicha  yozma  axborot taqdim etilishini ma'lum qilamiz.