#Амалий_ўқув семинари

2023-06-07

✅Жорий йилнинг 7-июн куни Навоий шаҳридаги  “Янги обод” маҳалласида вилоят Камбағалликни қисқартириш ва бандлик бош бошқармаси бошлиғи Л.Хайруллаев ва шаҳар Камбағалликни қисқартириш ва бандликка кўмаклашиш бўлими бошлиғи Ж.Отамуродов ҳамда шаҳар ҳокимининг биринчи ўринбосари  ва алоқадор мутасадди раҳбарлар иштирокида, камбағалликни қисқартириш ва аҳоли бандлигини таъминлашда  янги босқичга ўтиш масалаларига бағишланган амалий ўқув семинари бўлиб ўтди.

✅Унда “Янги обод” маҳалла фуқаролар йиғинида истиқомат қилувчи 50 дан ортиқ ишсиз фуқаролар иштирок этдилар. Уларга «20 минг тадбиркор - 500 минг малакали мутахассис» дастурини мазмун моҳияти тушунтириб ўтилди.

✅Учрашув давомида 16 та мурожаат ўрганилиб, шулардан 4 нафари ишсиз фуқаронинг бандлиги таъминланди, 12 нафар фуқарога тушунтириш ва ҳуқуқий маслаҳатлар берилди. Маҳалладаги мавжуд муаммолар ўрганилиб, уларни бартараф этиш бўйича тегишли кўрсатмалар берилди.

Навоий вилоят Камбағалликни қисқартириш ва бандлик бош бошқармаси Ахборот хизмати,