#Коррупсияга қарши курашамиз

2023-09-08

Бугун Камбағалликни қисқартириш ва бандликка кўмаклашиш Навоий шаҳар бўлимида, бўлим ходимлари, маҳалла раислари ҳамда ҳоким ёрдамчилари иштирокида “Коррупсияга қарши курашамиз” мавзусида йиғилиш бўлиб ўтди. 

Унда Маҳаллабай ишлаш ва тадбиркорликни ривожлантириш агентлигининг Навоий вилоят бошқарма бошлиғи М.Хамроев ҳамда Навоий шаҳар Камбағалликни қисқартириш ва бандликка кўмаклашиш бўлими бошлиғи Ж.Отамуродов иштирок этди.

Тадбир давомида Ж.Отамуродов сўз олиб бўлим ходимлари, маҳалла раислари ва ҳоким ёрдамчилари фаолияти давомида салбий оқибатларга йўл қўймаслик, коррупсиянинг ҳар қандай кўринишларига қарши кескин курашиш, ўзига юклатилган функсионал хизмат вазифаларини қонун талаблари асосида сидқидилдан бажариш, таниш-билишчилик, масъулиятcизлик, та’магирлик ва манфаатлар тўқнашувига йўл қўймаслик, аниқланган коррупцион ҳолатлар юзасидан бош бошқармага масʼул ходимига вақтида ахборот бериш тўғрисида тушунтириб ўтди.

Навоий вилоят Камбағалликни қисқартириш ва бандлик бош бошқармаси  ахборот хизмати